姜皓文輸獎唔畀面馬國明？

53歲嘅姜皓文，1986年入行時人稱「黑仔」，經過多年努力總算在電影圈捱出頭，更於2018年贏得金像獎最佳男配角而升呢，自此人稱「黑哥」或「黑仔哥」，能夠捱到今日，有此專稱，姜皓文橫諗掂諗都應該受得起有餘！不過，輩份還輩份，早前佢跟一班公仔箱嘅男藝員爭「視帝」，以其超班演技加地位，理應出半臂力就得，怎料最後輸給「親生仔」馬國明，正當成班無記藝員起立為馬國明「守得雲開」鼓掌時，只見「黑哥」坐喺位未有附和，頗有「唔畀面」之嫌，既然有輩份，應有番相應嘅台型，難道「黑哥」不想與鼓掌藝員一般見識？還是自覺不是「自己人」未能融入其中？