洛兒惹火險燒廚房
由陶大宇、郭政鴻和有「廚壇魔術師」之稱的楊尚友主持的ViuTV節目《辣伙頭》即將播出，有份演出的八位美女準廚包括洛兒、陳欣妍（Shirley）、陳海寧（Isabella）和郭奕芯（Ashina）日前受訪，分享節目中的喜樂。
差啲要攞滅火筒
洛兒因不懂運用廚具，甫出場拍攝便將一煲油煮到着火，險火燒錄影廠，幸好有廚師評判楊尚友為她撲火，她的菜式未煮好已是「火候十足」！廚藝方面，洛兒只能「自給自足」，難登大雅之堂：「我哋用電磁爐，可能個煲過熱，我落咗好多油，之後就搶火，嚇到我呆咗，好彩楊尚友救咗我，差啲要攞滅火筒嚟！」
Shirley獲讚一百分
至於Shirley就有板有眼，連Isabella亦臣服於她整的羊腩煲，Shirley還將賽事中所學的羊架，煮給男友和家人品嘗，獲讚是100分的筍盤女友，她說：「我第一次整，跟足食譜，好彩都似模似樣，新年時我有整畀家人食，佢哋都大讚。（整畀男友食？）有，佢當然有讚，唔敢唔畀100分！」而Ashina只學識劏魚和拆蟹，笑言已是一大成就，她亦有意為男友下廚：「雖然未有目標，如果有，我想整海鮮畀佢食。（咁講大把人追啦？）希望啦！」
場地：Comma Party