龔嘉欣羅天宇時鐘酒店床戰

藝人龔嘉欣與羅天宇昨日為無綫新劇《香港愛情故事》開工，拍攝於街頭甜蜜等位「開餐」戲份。嘉欣透露早前以宮廷情趣內衣造型，與天宇到時鐘酒店拍親熱戲，結果錫到嘴痛，她說：「因為講我哋爭取時間，一入去我主動咀佢，仲推佢落床繼續，都幾激，我哋腳撞腳撞到瘀晒添！（谷胸？）我呢啲唔係好覺啦，反而下身喱士性感啲，扮到似冇着咁！」
羅天宇與龔嘉欣拍攝在街頭攬住等位「開餐」的戲份。
羅天宇與龔嘉欣拍攝在街頭攬住等位「開餐」的戲份。

避「炎」瞓足三日

當時僅穿內褲的天宇直言心情緊張，因擔心衞生問題，起初連床邊及牆也不敢掂：「真係驚，但最後仲要瞓埋地下！（對住咁性感嘅嘉欣有冇生理反應？）我好專心拍呢場戲，淨係諗快啲拍完返屋企沖涼咋！」談到武漢肺炎肆虐，二人同聲表示新年甚少外出，嘉欣更自爆瞓足三日，雖然全城鬧口罩荒，但她有存貨，故將部分口罩提供給朋友，天宇亦有受惠，他說：「我行咗10間藥房都買唔到，屋企有10個，畀咗一半媽咪，所以好感謝嘉欣。」

龔嘉欣嘟起嘴仔，唔通好回味咀戲？
  • 龔嘉欣嘟起嘴仔，唔通好回味咀戲？
講起拍親熱咀戲，兩個邊笑邊做動作。
  • 講起拍親熱咀戲，兩個邊笑邊做動作。