等你畀反應:美國女子組合Pussycats Dolls早前宣布今年復出樂壇，打頭陣就係4月喺英國同愛爾蘭舉行嘅回歸騷。隊中靈魂Nicole Scherzinger日前同隊友拍新MV，期間佢不忘喺Ig晒MV最新性感造型。身穿黑皮bra嘅佢自拍晒身材，仲留言話好期待快啲睇到fans對個MV嘅反應！
鼠女賣萌:美國真人騷女王Kim Kardashian尋日喺Instagram公開囡囡Chicago的2歲生日派對照，今次派對用囡囡最愛嘅米妮老鼠做主題，佢仲邀請埋兩位姨甥女True Thompson同Stormi Webster嚟玩，佢哋同壽星女一齊畫大花面扮米妮賣萌。而Kim亦有分享同妹妹Kylie嘅大頭合照晒性感。另外，Stormi原來早前亦已經同阿媽Kylie、阿爸Travis Scott去主題樂園提早慶祝2歲生日。
N度進化:現年52歲嘅奧斯卡金像影后妮歌潔曼（Nicole Kidman）之前成日畀人傳整過容，佢主演嘅HBO新劇《The Undoing》首個預告片曝光，喺預告片中佢繼續大騷「膠樣」，連網民亦有留言指妮歌個樣又唔同咗。唔知今次佢會點解釋呢？除咗妮歌之外，套劇仲有飾演佢老公嘅英國男星曉格蘭特（Hugh Grant）。而有份參演的陳法拉，於首個預告片中就未見蹤影。