李日朗慶生狂數錢
藝人李日朗（Don）昨日度過最甜蜜的年初一，皆因有模特兒女友黃靜藍送上特製蛋糕慶生！Don上載短片，見他抽出一張又一張的百元紙鈔，驚喜到嘩嘩聲，笑說：「發達啦，可以買樓啦！我覺得呢個優良傳統可以每日做一次！」女友即笑他貪心，然後兩人互相擺出心心手勢，甜到漏！
Don接受電話訪問，表示昨日是19年難得一遇的38歲生日：「新、舊曆同日，第一份新年兼生日禮物就係女友送咗個好特別嘅蛋糕畀我，抽出嚟嘅全部都係真錢，好High！（有幾萬蚊？）以佢咁孤寒嘅性格，梗係唔會啦，得15張咋！同佢拍拖兩年幾，都有結婚打算，要一齊努力。」問到新年展望，他指去年市道淡靜，但他已有事業大計，相信今年發展更好。