施匡翹大個女 預告派利是

歌手施匡翹昨日到電台宣傳新歌《耳仔軟》，笑言一開始對歌名有點抗拒：「因為我係耳仔硬嘅人，有啲原則，但其實呢首歌表面係講一個女仔鍾意咗兩個男仔唔知點揀，實際上就係講人生成日都會遇到好多選擇同矛盾，正如我依家一邊讀書一邊唱歌，有時都要抉擇走唔走堂好，所以唱呢首歌就代入咗呢個感受。」她又笑言最搞笑是家人朋友為她首歌改名，如爸爸改了做「耳仔窿」，而蔣嘉瑩更將其歌名叫作「流鼻涕」，令她哭笑不得。