傅嘉莉決絕唔吼小鮮肉

傅嘉莉、楊潮凱及黃嘉樂三個老友鬼鬼，近日相約到旺角花墟買年花，三人抵埗大受街坊歡迎，被包圍集郵。Kelly表示試過連續三年在家中放置桃花，可惜，感情仍未有着落，即被潮凱與嘉樂取笑買錯桃花，而潮凱自言喜歡蘭花，貪其襟擺又易打理。

攝太歲捐血化解

Kelly與潮凱同肖鼠，講到鼠年犯太歲，篤信風水命理的Kelly，自爆日前拍攝新春節目時，乘機向堪輿學家請教：「師傅話我今年好多桃花，但因為犯太歲，所以啲桃花唔係咁好，佢叫我要攝太歲、去捐血同洗牙。佢話好多年紀比我細嘅人會對我有興趣。（對小鮮肉有冇興趣？）冇！」

潮凱對風水命理只會選擇性相信：「好就信，唔好咪留意吓囉！其實犯太歲唔係唔好，只係有變動，人生係有變化o架啦，所以唔擔心。」嘉樂笑言會逼凱潮去趨吉避凶，被踢爆是「神佬」一名，潮凱說：「嘉樂新年會約我哋去拜神同行大運，今年會去行鳳凰山。」

年年都諗成家立室

至於肖馬的嘉樂今年沖太歲：「話會有感情變化。（係咪有機會結婚？）年年都諗住，所以要努力工作先可以養妻活兒。新年願望係事業更上一層樓再成家立室。今年拍咗套新劇《逆天奇案》，雖然係單元角色，但自己好鍾意，要喊到生離死別咁，係個幾感動嘅角色。」Kelly感恩去年憑《包青天再起風雲》提名最佳女配角，希望新一年的角色有突破再獲提名，拍劇之餘又有拖拍。春節她會首次全家總動員去日本旅行，十分期待。