藝人寶珮如（Baby）、袁潔儀和林建明，昨午到灣仔出席食肆開張剪綵。食肆乃Baby的叔父輩投資，她笑說：「兩年前呢位Uncle開咗間酒樓搵我剪綵，結果我復出拍電影就提名金像獎最佳女配角，所以佢今次開私房菜，我叫佢再搵我，希望嚟緊有機會衝擊最佳女主角！」而她與廖啟智合演的新片《世上只有爸爸好》近日已在北京得獎：「依家度緊期再去上海參展。拍攝時我場場戲都要喊，搞到生眼瘡，但睇番轉頭都係值得嘅！」
袁潔儀特地從廣州返港撐好姊妹，她說：「冇所謂，咪當做運動囉（指搭長途車），Baby係搵食達人，我一返香港就會跟佢去搵食。」
