被嫌唔夠勤力 鍾嘉欣謀三線出擊
藝人鍾嘉欣昨日出席活動，專程由加拿大回港開工數天的她說：「今次返嚟見吓朋友、團隊。本來幾個月之前計劃老公、仔女都返嚟香港住一段時間，但係依家計劃轉咗，會繼續留喺溫哥華，今次返嚟可以趁機抖吓，亦都可以衝擊吓思想。」
肖鼠的嘉欣承諾團隊新一年會更勤力工作，她笑說：「今年會勤力啲，都有傾緊拍劇、電影、唱歌，因為團隊覺得我唔夠勤力。（同老公商量過減少時間陪小朋友？）我又冇諗住，其實老公一直好支持我做嘢，佢話happy wife happy life，仲話我想做演藝嘅工作，我哋就商量諗辦法實行。（唔捨得小朋友？）係呀，好彩依家有兩個，兩姊弟相親相愛，個女已經三歲，知道媽媽要工作，係我自己唔捨得，唔想離開佢哋太耐，嚟緊呢幾年都會維持依家咁。」