公主Look開騷蘇慧恩：當結婚

歌手蘇慧恩昨日以公主Look為管弦樂團音樂會獻聲，她演繹了重新編曲的《一馬平川》及兩首迪士尼卡通片主題曲。首次跟管弦樂團合作的她大叫怕怕，驚到手都震：「未試過有70幾個樂手喺後面伴奏，係個好難得嘅機會，好榮幸獲樂團指揮朋友邀請，佢幫我揀咗兩首卡通片主題曲，對我嚟講好高難度，因為個音域超出平時唱歌，佢叫我試吓，做歌手係要突破自己嘅！」又說秘密找聲樂老師操練，及惡補該兩套卡通片：「再配合埋個公主Look，當自己結婚咁！」