吳若希玩「情趣」爆老公專Add大波妹

吳若希昨日出席內衣騷，穿黑色透視喱士內衣外襯西裝褸，再配上紅色短裙和「黑絲」上陣，展現性感一面。問到事前有否讓老公Alex過目？她說：「佢今朝揸車接我時先知，但佢要揸車冇咩望過，返去先睇。（大家都睇完先畀佢睇？）所以我已經同公關要求，要套再性感嘅返屋企着！（平時都會着情趣內衣？）少，依家接觸到覺得唔錯，悅己又可悅人。」

平平無奇夠時尚

問到老公是否滿意其身材？吳若希卻大爆：「我見佢Ig Follow啲女明星都好有身材，好似韓國女明星，好瘦好豐滿，又有Follow馬來西亞藝人林明禎。我有問過佢鍾意『好胸』定『好忙』嘅人。（好忙？）即係冇空（胸）閒時間嘅人，佢喺我面前當然話鍾意我。」她說不會呷醋，因某程度上自己都鍾意睇身材好的女仔。對於身材被指平平無奇，問到會否想胸部大一點？她說：「喺髮型屋整頭髮時，有懷疑過自己可唔可以着出『壯觀』效果，但髮型師讚我夠Fashion。」

吳若希老公Alex	王麗嘉試過減肥想減埋個胸，但唔成功。	麥芷誼出席內衣騷，表示大開眼界。

食得清淡人消瘦

同場還有藝人麥芷誼及名模馬詩慧的女兒王麗嘉以品牌大使身份亮相，王麗嘉若隱若現騷出4吋「事業線」。身材消瘦了的她表示沒有刻意減肥，只是吃得清淡加上一星期做兩日運動。主力做模特兒的她指現時香港較少時裝騷，今年目標是到外國行騷。

問會否努力再減磅收細胸部，她說：「試過減肥但個胸都唔細，我都想細啲，但唔到我控制。（朋友羨慕你？）係，但我唔明白點解，我唔覺得係一件好事。」