余香凝改曲風放棄催眠
余香凝昨日到電台宣傳新歌《無得比》，相隔年多再出新歌的她繼續負責作曲，今次這首勵志歌節奏輕快，她笑言全因被朋友取笑過往作品旋律較慢，似催眠曲：「呢首歌希望帶出唔使同人比較嘅訊息，因為由成長到做嘢，往往會被比較。」現時單身的她笑指將來拍拖會再寫情歌，相信不會是慘情歌。
她指新歌對象包括妹妹余潔滢，因為其讀書成績及身高較妹妹好，媽咪經常將兩姊妹作比較：「自己會諗細妹成日唔出聲，係咪因為受到影響，所以呢首歌都係想寫畀佢聽。」提到妹妹負責唱和音，是姊妹合作的第一步，她說：「將來希望可以有首一齊唱，好想寫一首關於親情、媽咪嘅歌，因為我哋都好錫媽咪。」