黃宗澤巴黎朝聖亂入起舞
藝人黃宗澤（Bosco）近日應品牌之邀首度出席巴黎時裝周，他準備了鮮粉紅西裝配黑超上陣，非常sharp醒，吸引不少當地時裝記者上前拍照。活動會場位於著名藝術館附近，現場有不少華人遊客，他們見到Bosco表現興奮，紛紛要求合照，在街頭造成一陣哄動，由於人數眾多，Bosco又不停跟他們聊天，最後要工作人員提醒他才記起夠鐘入場睇騷，非常搞笑！
時裝騷結尾時，模特兒主動邀請Bosco上台一齊跳舞狂歡，他說：「當下真係有啲受寵若驚，唔記得自己跳啲咩，不過真係好難忘嘅經歷，今次係第一次去時裝周，好似成班學生去交流咁，感覺好新鮮。我差唔多有10年冇去巴黎，完成晒手頭工作，就可以周圍去食嘢同購物。」Bosco自爆到埗的第一日已大出血，大手購入多件名牌外套。