黃芷晴6位數開舖 唔使老竇幫

黃芷晴昨日出席旺角家樂坊 X 迪士尼《"Mick" the Holidays Bright》期間限定店活動，擔任一日星級店長的她有經營首飾生意，談到推銷技巧，她笑說：「我好被動，但係做一日店長就要主動少少，或者會同啲客講，呢啲係店主自留款，都會揀啲公仔畀媽咪，買啲利是封畀爹哋。好開心可以做店長，自己細個夢想係幫呢個品牌設計產品。」
黃芷晴諗頭多多，自己學做生意。
黃芷晴諗頭多多，自己學做生意。

搞樓上烘焙店

芷晴一直靠自學創業，最近嘗試為友人製作情人節花藝，又透露計劃投資六位數字開設樓上烘焙店邊學邊做。問到會否叫爸爸黃日華打本？她表示一定不會：「自己錢自己賺，佢有畀意見我，叫我做生意要諗清楚。（做女強人忽略咗感情？）我唔係女強人，都係慢慢學，反而想事業多啲，以前愛情大過天，依家覺得事業可以再努力啲。我比較穩陣，之前唔係好敢嘗試，錯過咗機會，今年會試多啲。」

女兒要創業，黃日華當然畀意見。
  • 女兒要創業，黃日華當然畀意見。