陳蕊蕊日前為舞台劇《戀上十二星座》拍攝海報，飾演啤酒妹的她捲入一宗殺人案，成為嫌疑人物：「個角色表面好開朗，好易同異性混熟，但內裏有好多秘密同情緒化。（會性感？）少少啦！應該係啤酒妹造型，唔會好大尺度嘅。」她表示跟導演梁永能學戲幾年，終有機會首次參演其舞台劇，心情既期待亦有壓力：「始終唔同拍戲，一Take過係有壓力，之前做過歌手、Dancer，所以唔太驚。」今年她將搞網上生意及繼續營運美人魚學校，亦會搞第二屆美人魚選美。
