周佩婷花樣年華散發女人味

無綫藝人周佩婷（Angel）早前飛到上海拍攝旅遊節目，重遊故鄉，令其倍感溫暖。Angel指自己是上海人，這個地方對她亦別具意義：「我喺上海出世，仲有啲親戚同朋友喺嗰邊，今次大家仲一齊食好嘢，真係非常開心。」

Angel指此趟旅程最難忘是在當地穿旗袍影靚相：「我着咗兩套旗袍，不嬲覺得旗袍畀人感覺好優雅，展現到東方女性美，而自己着咗之後，覺得成個感覺唔同晒，好少睇到自己咁有女人味嘅一面，同埋着旗袍呢個地方係一間博物館，裏面有好多懷舊嘅場地，影咗好多美照。」