劉松仁傳中風：康復中，放心
70歲藝人劉松仁早前親自執導、策劃及創作舞台劇《利瑪竇》，忙個不停，該劇本月12日圓滿結束。未知是否過於操勞，其身體大不如前，更傳疑似中風！據知，他現時行路需撐拐杖，右手與右腳乏力，身形亦明顯消瘦，食指與尾指不能正常彎曲，徵狀與中風相似。
昨日劉松仁受訪時表示：「謝謝關心，沒那麼嚴重，康復中，放心。」但未有透露病況。至於《利》劇男主角王梓軒透過經理人石祐珊回覆，指劉松仁曾經跌親：「佢冇乜事，應該係之前跌親，可能感覺上行路唔係咁舒服，但佢OK，我哋排練同演出時，佢都有嚟，只係行路緩慢啲，希望佢快啲好番。」 而有份演出的古明華亦指劉松仁說話很清晰：「佢只係行路用拐杖，應該係年紀大，所以我冇特別問佢身體狀況。不過佢同一年前係有啲分別，我哋對上一次合作係一年前，始終年紀大咗一年，行路的確係有少少慢咗同冇之前咁精神，但唔似中風，應該冇事。」
