李思林抑鬱兼離婚 畀李玟「哦」醒

曾參選港姐的李思林（Nancy）受訪時開心又健康，原來3年前痛苦不堪，全靠做瑜伽和聽佛經才重新做人，她說：「好多唔如意事情令婚姻出現問題，性格、大家處理事情唔一樣，可能中國人同外國人表達唔同。（同老公分開咗？）分開咗差唔多成年，手續辦咗9成。（邊個提出？）覺得係我，過去一、兩年Suffering（痛苦）太大，醫生話我有啲抑鬱！我諗當一個人牙痛，外人只見到我乸埋口面，但感受唔到裏面嘅痛，而且我真係牙痛！希望鼠年唔應該痛嘅地方整番好晒。」

學瑜伽聽佛經

她承認醫療事故影響情緒，亦影響多個決定，幸有家人在旁支持：「每個屋企人都係我精神動力，佢哋想我從谷底爬起身，唔好放棄，每日都鼓勵，李玟『哦』我係想我好，只想我快樂，佢算少，媽媽強勁啲。」

做瑜伽做上癮，李思林考獲瑜伽導師牌。

李思林（右）為妹妹李玟提前慶生。

Nancy坦言突如其來的打擊，令她手足無措，當時偶然下接觸瑜伽及聽佛經，發覺兩者相輔相成，掃走不快心情。最近她完成200小時的瑜伽導師牌，兼拍網劇《快樂520》，好事一浪接一浪，她說：「同劇個個演員都喺中央演藝學院畢業，我乜都唔係，冇拍過劇，但發覺種種亂到不得了嘅事情發生後，令我好明白劇本。初初第一個月，成日同自己講唔得，但最後嗰個月鍾意咗拍劇。」

李玟變髮賀牛一

另外，前晚Nancy提早為今日牛一的李玟慶生，剛完成美國東岸及拉斯維加斯站演唱會的李玟換了新髮型，神采飛揚。

場地：Pure Yoga