黎諾懿恨生女搵高人指點
薛家燕、黎諾懿與黃祥興等昨日出席無綫新春節目《天天開運王》記者會，一直恨生女的黎諾懿笑言，乘機問現場的堪輿學家攞貼士：「依家每晚請佢哋食飯，問晒啦！（一定中？）師傅好保守，話我命格係生到女，但冇講生到第幾個先係。（追到有為止？）唔好，兩個夠啦，希望今年自己生性啲。」
而薛家燕透露節目邀請了三位堪輿學家指點迷津：「每位嘉賓藝人今年都有機會破舊立新，即係有獨立風格去創立自己嘅事業，好似舊年我創造咗『Captain Nancy』，今年籌備緊新搞作。（黎諾懿想追女，有秘方教佢？）需要時間、食物同動作配合，但唔方便公開講。」提到有指陳寶珠患上呼吸系統病，家燕說：「應該唔係，舊年做演唱會時，佢條腰唔舒服，應該係做大戲嘅舊患，冇咩事，好健康，我拍完呢個節目就搵佢拜年。」