麥美恩有拖拍 隨時引退

麥美恩不介意被網民批評，笑言好過冇人留意。

麥美恩2011年參選香港小姐，奪第4名而入行，隨即加入無綫娛樂新聞台，又參與不同綜藝節目，包括《學是學非》及《森美旅行團》等，成功入屋，深受網友愛戴，她接受東網節目《娛場》訪問時坦言：「網民真係好留意我啲細微嘢，又會話我『點解做埋啲表情咁核突』、『佢真係好肥喎』、『佢都唔靚女』，聽到呢啲說話，我唔會當係攻擊，反而好奇點解啲人可以咁得閒逐格Cap我啲樣，所以就同《學是學非》嘅導演、撰稿員夾埋做啲嘢，點知真係有反應，變相個互動變得好得意，令到大家對我嘅印象更加深刻。」

鏡頭前的她大情大性，不介意醜化自己，但現實中原來心思細密，處處為人設想：「我講嘢係好叻，但有啲嘢唔敢講，呢個係做主持好矛盾嘅位，所以好多時我寧願笑自己，寧願將自己成為一個焦點被取笑，咁樣就唔會影響人。」

性格率直的麥美恩，於鏡頭前不會亂講嘢。

若遇上真命天子，麥美恩不排除放棄事業。

恨轉型拍劇

講到感情世界，她揚言若遇上真命天子，可能放棄事業：「如果遇到啱嘅人，我覺得可以取捨。如果遇到一個錫你嘅人，我覺得嗰個滿足感大過所得到嘅成績！」奈何她仍未遇上「對的人」，惟有寄情工作，希望由綜藝路線轉型拍劇。

https://bit.ly/3aeklem