勁「猴」擒:有「粗眉模」之稱的英國骨感超模Cara Delevingne，最近為代言咗好耐嘅德國運動服品牌拍新一輯廣告，見佢着住運動Bra晒腹肌，似足猴子咁喺個鐵架上面擒來擒去，身手不凡！
好識食:34歲日本女星綾瀨遙，上年推出以「食盡世界」為主題嘅寫真集，教人去台灣搵食。今個月佢又出書，今次地點係夏威夷，難得佢着住比堅尼玩水影封面，又着小背心典床典席，真係唔食得都睇得啦！
鬆手啲:韓團Girl's Day成員敏雅最近去泰國度假，可能喺外地特別放鬆，所以罕有大解放，上傳曬日光浴嘅水着照騷吓Quali。不過，快樂嘅日子過得特別快，佢尋日放嘅新相已經着大褸包到冚，相信返咗韓國，因為首爾呢幾日氣溫都跌穿零度！
