相信冇人會鍾意大話精，或者講嘢唔算數嘅人，之但係日本有位AV女優，雖然佢講咗個大話嚟欺騙AV迷嘅感情同金錢，但係冇人嬲佢之餘，仲話佢做得好，講緊嘅就係櫻羽和佳喇！
喺上年3月出道嘅櫻羽和佳，究竟講咗乜嘢大話嚟欺騙AV迷嘅感情同金錢呢？原來早喺去年1月，佢推出咗性感寫真DVD，憑住甜美樣貌，以及35D-22-35嘅魔鬼身材，成功吸引一眾男士嘅注意。打響頭炮之後，同年3月加盟AV片廠S1成為專屬女優，並推出處女作《新人NO.1 STYLE AV Debut 一本限定AV解禁》，當中「一本限定AV解禁」嘅意思，即係指佢只拍一部AV，之後就會封咪離開AV界。而喺多場簽名攝影會上，和佳亦三番四次表明只演一次，跟住就會回歸寫真界，咁珍貴嘅作品，梗係吸引AV迷大破慳囊搶購留念啦！
點知事隔5個月後，和佳竟然以S1專屬女優身份回歸，阿妹出爾反爾，照道理AV迷應該會嬲到反枱，但事實上卻相反，一眾AV迷開心到舉旗歡迎，足見阿妹魅力逼人！
雖然有人話呢招「一本限定」做法係S1嘅商業策略，但係唔少粉絲卻唔認同呢種講法，佢哋覺得如果真係宣傳手法，點解會隔咗5個幾月後先復出呢？姑勿論如何，和佳回歸AV界絕對係一件好事，而回歸頭炮作品《初次性感爆發！》嘅銷量成績更係非常理想，足見AV迷對佢嘅熱愛。難得出爾反爾講大話，都獲得AV迷原諒，對和佳嚟講係個極大嘅鼓舞，因此佢喺簽名會上經常感謝粉絲，又表示未來會落力演出，以回報粉絲對佢嘅支持，仲話希望親手做日式糕點畀粉絲品嘗添！
原來入行前，佢一直都想開設一間日式糕點專賣店，並擔任糕點師，佢自細就相當鍾意日式糕點，經常喺屋企製作並送畀朋友。但係自從投身AV界後，因為工作太忙碌，所以冇時間整糕點，希望將來可以實現夢想。
出生地：千葉縣
身高：155cm
三圍：35D-22-35
撰文：魂