年底酒莊娶何雁詩 鄭俊弘自爆求婚硬晒

兩人日前接受TVB娛樂新聞台節目《StarTalk》主播許文軒（Edmond）專訪，暢談宣布訂婚的感受。Fred表示希望有個只屬於他倆的美好回憶，故決定旅行時求婚：「仲緊張過自己第一次開演唱會，成個人震晒同硬晒！最初好擔心過關嗰陣Check行李，畀佢見到隻戒指就穿煲。」

為老公學煮中餐

一對戀人能開花結果，當中需要互相遷就、磨合，阿詩表示為Fred學煮中餐：「以前我煮西餐多，但知佢鍾意食中餐，所以特登研究。另外我哋兩個都好鍾意食越南河粉，我哋去美國可以餐餐食，返到香港即刻研究點整個湯底，希望可以食番嗰啲味道，誇張到一早七點去街市買牛骨同牛腩。」

講到婚禮，兩人決定年底於美加地區的酒莊舉行，希望一切從簡：「想同家人朋友分享，我哋好怕婚禮要表演同唱歌，想好好享受我哋嘅大日子，而唔係去應酬呢個嗰個。」