頻頻撲撲啱Feel？李幸倪靈感湧現
歌手Gin Lee（李幸倪）前晚現身網上音樂平台直播活動，師弟樂隊ONE PROMISE的天衡及Dusty Bottle成員JNY伴奏，以歌會粉絲之餘，順道宣布好消息：「今年會留多啲時間喺香港，好快就會推出廣東碟！不過幾時出碟就要睇我，因為我有份作曲，開始捕捉到寫歌靈感，原來要離開香港先得，例如搭緊飛機、坐車，希望遲啲返馬來西亞抽時間寫到。」
農曆新年她將返家鄉馬來西亞跟家人團聚過年，問親戚會否催婚？她笑言不會：「佢哋關注我嘅事業多啲。」講到早前在馬國獲歌后殊榮，她指父母、家姐當日在場，媽咪更緊張到頭痛，打算之後跟家人打邊爐慶功。