藝人余安安前晚出席電影首映禮及分享會，她透露飾演奶奶，一直支持大肚新抱，令她憶起當年懷孕經常發噩夢：「為人父母最緊張BB健康，係仔係女都係其次，當時日思夜想，夢見BB冇咗隻腳，起身嗰刻標晒冷汗！」又指女兒是時候為人母：「唔好太遲，畀晒啲心理準備佢。（恨抱孫？）冇話恨唔恨，咁有BB玩實開心。（幫手湊？）我親力親為湊大兩個女已經夠，我只會玩，千祈唔好叫我湊。」
