焦媛憶父女情排戲哭崩
舞台劇演員焦媛昨日到電台宣傳其自編自演的獨唱音樂劇，題材取自她跟亡父的真事改編，亦是紀念他逝世20周年，她自爆每日綵排都以淚洗面：「講第一句台詞已經崩潰，係一套自虐又自療嘅劇，逼自己諗番起爸爸，同時希望可以放下。」
焦媛自爆近兩年經常情緒自困，心理醫生朋友指她一直走不出亡父的「影子」：「話我咁嚴謹、要求高，係想得到爸爸認同、回應，不過其實呢世都唔會有。」
續指最難忘亡父於她五、六歲時傳授京劇基本功，問到演出時可會留起中間最佳位置給父親？她聞言即眼濕濕：「我冇諗過！不過導演有叫我想喊就喊，因為係我嘅經歷，但都希望情緒可以控制得好啲，如果喊足三晚都驚內傷。」