有個肥美豬年 李施嬅未得閒慶祝
李施嬅與黎諾懿前晚出席慈善晚宴，以無綫劇集《金宵大廈》中「Coco姐」造型亮相的施嬅，對於頒獎禮中獲得兩個獎項，她說當晚完成工作已是凌晨二時，故尚未有時間慶祝：「跟住飛北京一星期做動作訓練，返嚟先同班好姊妹慶祝。（農曆新年有冇假放？）會喺香港過年，之後再飛幾轉就去加拿大拍劇，完咗就拍電影。（過肥年？）係肥美嘅豬年。（點獎勵自己？）都想去旅行，希望鼠年可以更好啦！」
而諾懿則透露將獻唱好友鄭伊健的廣東歌曲，問到為何不唱國語歌，講「港普」出位的他笑說：「伊健都未出國語歌啦！我學咗普通話十幾年，呢啲Feel好似幾受歡迎，驚認真學咗普通話之後冇人再搵我做嘢，我啲南方國語，等我Keep多陣先啦！」
