劉倩婷閨蜜之旅紀念十年情
2009年港姐冠軍劉倩婷（Sandy）與同屆的亞軍李姿敏及落選佳麗馬詠恩，早前為了紀念這段友誼十周年，相約一起前往泰國度假，更特別聘請攝影師為她們拍下一輯紀念專輯。Sandy說：「想留念吓，希望以後有好多個十年一齊度過，無論喺香港或者其他地方都聚埋一齊，喺大家生命裏面、生活裏面互相扶持，Sharing Good & Bad Times，珍惜咁難得嘅友誼，好多謝佢哋一路以來嘅陪伴。」
她透露由於各自有家庭都很忙碌，今次是真真正正三個人一齊去旅行，可以放低所有事，傾心事、做Spa，畢竟平時湊小朋友，抱住出出入入比較攰。此行三人盡情享受美食，而且Cafe入面有好美麗的花牆，拍起照來十分漂亮。
