莊思敏送筆畀個妹

藝人莊思敏昨日到旺角出席捐血活動,對於最近胞妹莊思明網上控訴搭乘國泰航班時借筆被冷待,引發與網民罵戰,莊思敏說:「起初佢只係想分享唔開心經歷,因為有網民激進言論,令佢又甫咗啲嘢,事件發酵,佢係個好執着嘅人,但網上一個對咁多個,好難解釋得咁多,呢件事對佢係一次經歷,希望快啲平息。(網民最不滿佢將機組人員個人資料放上網!)佢太衝動,有覺得唔好意思,但以我哋所知唔涉及法律問題,因為只係放名字,冇其他個人資料,當然咁做唔係啱。」她笑言事件慢慢變成笑話,又表示會買更多筆給妹妹作禮物。

借筆風波後,香港航空在社交網舉行抽筆活動被指抽水,楊明於社交網代女友莊思明出頭,留言:「以後坐飛機是否需要自帶飯盒,水,枕頭,被子……等?如果忘記了也不可向空中服務員求助?我認為航空公司應該以服務顧客和乘客安全為最基本的宗旨。」臨尾Hashtag「香港航空」。