鄧月平「下海」挑戰變態賽

身材火辣的鄧月平(Larine)近日收起性感,參與ViuTV廚藝真人騷《辣伙頭》挑戰自己,望廚藝更進一步!她直言節目並非當初想得如此簡單,更以「變態」形容:「拍呢個節目都辛苦,因為每次一拍就拍到半夜,我哋成班參賽者為咗方便拍攝,要住喺附近酒店,每日都晨早起身,個個拎住個篋去拍攝現場。同埋佢哋要喺50分鐘內即場抽、即場煮,仲要係有高要求咁煮,好似一個麵包,唔單只要整得好食,仲要整得創新同有5星級嘅擺盤,所以每次都係新挑戰,絕對唔簡單!」她又指拍攝期間能炮製珍貴食材,包括黑松露、龍蝦和鮑魚等,絕對是難得的機會。

又笑又喊好滿足

今次與眾多美女比賽,難免是非多兼有比較之心,但她揚言與一眾參賽者成為好友,一起嘗盡又甜又苦的滋味,點滴在心頭:「雖然係比賽,但大家冇當對方係對手,會互相幫助,有啲咩都肯伸出援手,大家非常有愛。最難忘係當有人因為輸咗而要離開嘅時候,我哋會唔捨得而喊,有時又會因為自己失手而喊,所以呢個節目有好多感受。」

比起輸贏,Larine更着重成功挑戰菜式:「我對輸贏睇得好開,因為我覺得認真對待每一個回合,即使輸咗都無悔。同埋煮嘅嘢好味,啲人食得開心,我就好滿足,唔係靠輸贏攞滿足感。」

場地:天慶10