湯洛雯匿埋屋企宅到「冇下文」

洪永城有意介紹男士給湯洛雯認識。

洪永城、湯洛雯、劉思希及白雲等，昨日出席活動宣傳無綫劇《丫鬟大聯盟》，Tony大讚靚湯是好老婆，有意為對方物色對象，靚湯笑言：「佢唔係第一個話介紹男仔畀我識，好似劉思希同譚俊彥。（最後有冇介紹？）冇，因為我唔出街。」Tony即指同性朋友亦不喜歡出街，靚湯說：「咁大家各自喺屋企FaceTime啦！」

今年有喜事？

靚湯又指有堪輿學家預測她今年紅鸞星動：「其實年年都咁講，今年仲話我有喜事，不過我想專注工作先。」提到同劇拍檔黃心穎，靚湯叫大家給對方空間，Tony則指心穎在群組祝大家新年快樂及劇集首播有好成績。

劉思希主動撩仔

至於劉思希在劇中對謝東閔飛擒大咬，她說：「拍攝時唔覺自己咁盡，開心觀眾鍾意，覺得鹹濕小姐幾可愛。（你現實中都咁鹹濕？）鹹濕係人嘅本能。」她笑言這個年紀一定要主動出擊，但未試過追男生：「最猴擒都只會傳短訊問對方『你在幹甚麼』，希望佢會識做約我出嚟，睇嚟我要向角色多多學習。」

劉思希演「鹹濕小姐」，獲觀眾讚搞笑。

白雲烏身寫字，微露事業線。