Lincoln洩蜜孖鍾晴出埠拍拖？
無綫「美女學徒」鍾晴與組合BOP天堂鳥成員Lincoln（許俊豪）去年因滑水傳緋聞，近日二人各自在社交網上載到北海道旅行的相片，Lincoln不慎「洩蜜」上載合照，惹來出埠拍拖嫌疑。
Lincoln接受電話訪問時表示，與鍾晴碰巧在差不多時間各自與朋友去當地旅行，到埗後上載照片，鍾晴即找他，他說：「一問之下，先知原來佢遲我一日出發，仲要大家住嘅地方只係10分鐘車程，所以約咗其中一晚成班朋友食飯。（千里姻緣一線牽？）真係幾有緣，世界咁大，冇約過竟然喺異地相遇。（有冇機會發展？）我哋係好朋友，拍唔拍拖呢啲隨緣，以工作為先。」
