異地戀面臨考驗 莊思敏唔怕男友曳
藝人莊思敏與台灣男友Brian蜜運中，她前晚與馬德鐘及王敏德等出席晚宴時，透露已見家長，新春期間可能會放假向雙方家長拜年。問到媽咪對男友的評價，她表示ok：「佢冇咩要求，最緊要我開心鍾意。（催婚？）冇呢啲，細佬結咗婚又生咗小朋友，滿足咗佢抱孫嘅想法，我就隨緣，如果生咗小朋友會好大壓力，好似重新讀過一次書咁。」
王敏德學唱國語歌
講到維持異地戀，她承認頗麻煩，一個月大約見面兩、三次，但因最近開始入劇組較忙，相信是一次考驗：「佢發覺我夜晚掛住開工，同唔到佢傾電話。（叫佢養你，等你唔好做？）佢又養唔到我喎！（怕唔怕陪唔到佢，佢會去曳？）唔擔心，呢啲係基本信任，要曳嘅話，成日陪住都可以曳。」而王敏德透露將到內地登台，因此今年目標是學好唱國語歌。