小肥臨急搵捧場客

歌手小肥與黃妍昨日為ViuTV節目錄影，黃妍表示會選唱王菲的作品《郵差》：「好鍾意王菲，知道可以唱佢嘅歌，同自己講要好好咁唱。」雖然小肥唱歌經驗豐富，但他坦言若錄影兼有現場觀眾，會有點壓力：「因為錄影唱得唔好要再錄過，怕影響埋現場觀眾。」而在活動前數小時，小肥在網上上載一疊入場券的照片，表示大會給他40張入場券，讓他送給歌迷或親友睇騷，沒料到他忘記了，故40張門券原封不動，要急找人來捧場，他自認大頭蝦，搞笑說：「即刻喺網上求救，好彩有啲反應。（依家出門口派畀人？）我諗都要。（急召公司員工嚟撐場？）又唔好。（睇完騷請食飯？）咁威逼人唔得嘅。」至於可擔心被監製鬧？他即說：「監製好愛我嘅！」