突破癲峰趙希洛越級爭女配
入行12年、有無綫「御用癲婆」之稱的趙希洛，憑無綫人氣劇集《金宵大廈》「何太」一角彈出，迎來首次頒獎禮提名，更越級挑戰「最佳女配角」，日前專誠到珠寶店揀鑽飾加強火力。她坦言：「入行12年第一次獲提名，收到消息幾突然，聽到係女配角有啲震驚，以為會係『飛躍進步獎』。」
希洛在劇中單元《嬰》憶子成狂，用方法搶走「豆豉仔」，令一班媽媽級觀眾看得心寒，演技獲大讚！她笑說：「其實都係做咗三次癲婆啫，《八卦神探》、《實習天使》同埋《金宵大廈》。當初接到『何太』呢個角色，第一個反應係又做癲婆，接嗰陣有諗點樣可以突破。」為了提升演技，她不停睇以精神有異為題材的電影及變態殺人紀錄片，年中又到法國修讀短期演技課程。
「最佳女配角」獎項爭崩頭，希洛自問已經盡力演好角色，最終能否得獎視乎投票：「對手真係好強，龔慈恩、高海寧、車婉婉、蔣家旻都係好資深嘅演員，角色同啲戲都做得好好。」