Kylie晒皮草拖鞋網民轟虛偽

創立化妝品牌致富的Kylie，於Instagram貼圖表示澳洲很多野生動物葬身火海，令她心碎，但12小時後，她卻公開自己穿上價值1.1萬港元的名牌毛毛拖鞋，估計由動物的皮毛製造，不少網民看完扯火，有人留言：「為樹熊喊，但隻腳就着呢啲動物皮造嘅拖鞋，佢可唔可以收聲呀？」亦有人批評她恐怖、腦殘、不關心世界發生的問題，更有人呼籲擁124.8億港元身家的她捐錢賑災：「我知你個假髮好貴，但啲錢可以幫到樹熊。」

冇危機意識

更火上加油的是，Kylie上載另一張自拍照，留言「搵到自己團火」，被網民指摘完全冇危機意識，她其後在壓力下刪除留言。至於Kylie的同母異父家姐Kim Kardashian同樣成為網民攻擊對象，被質疑沒有為對抗澳洲山火捐款，她於Twitter回應：「冇嘢嬲得過見到啲人覺得可以知道我哋捐咗乜嘢款，同埋以為我哋乜都會公開！」不過網民繼續插她：「你其他嘢都公開晒喎！仲繼續着皮草、搭私人飛機。」

基斯捐780萬賑災

另外，繼澳洲女星妮歌潔曼（Nicole Kidman）捐錢脤災後，另一澳洲男星「雷神」基斯漢斯禾夫（Chris Hemsworth）亦拍片宣布，與家人一同捐出780萬港元對抗故鄉山火，並呼籲Fans出手協助。