前港姐王愛倫昨日於師生畫展中展出4幅舊風景畫作，已有一段時間冇畫畫的她，喜愛四出旅行攞靈感。講到細仔林建龍頻於IG與烏克蘭名模女友Olga放閃，她笑住「投訴」：「有咗女友，媽咪就係第二順位，但佢都30幾歲人，唔通仲做裙腳仔咩？（催佢哋結婚？）應該就快，但冇畀壓力，我都準備好做奶奶，佢哋生嘅B一定好得意。（莫非有好消息？）唔係，但佢哋拍咗好多年，我好開通，隨時歡迎！」
