去完疫區唔戴罩張兆輝生人勿近
剛由爆發不明肺炎的「疫區」武漢返港的張兆輝，昨日聯同蕭正楠、洪永城、姚子羚及陳瀅等宣傳無綫新劇《黃金有罪》，雖然張兆輝表現精神爽利，並揚言：「我應該OK喎！」但仍嚇窒不少現場人士，紛紛戴上口罩以策安全！
最近武漢出現不明的病毒性肺炎病例，令大眾擔心沙士再現，然而張兆輝前晚由武漢商演回港，昨日現身宣傳活動時卻沒有戴口罩，笑問他可需保持距離，他說：「應該唔使啦，我OK喎！如果真係有事，自己會感覺到唔舒服嘅。」問回到家中，家人可有特別措施？他說：「佢哋都唔知有咁嘅事，其實我上去時都唔知，你知我要飛嚟飛去，我尋晚返，今日就嚟呢度。」更提議記者：「你哋驚可以戴口罩！」
他又表示在當地未察覺有異樣：「市面又見唔到人戴口罩，如果當哋情況犀利嘅話，我諗一落機都會噴晒消毒藥水或其他預防嘅嘢。」商演期間，他亦有跟觀眾握手及影相，不太擔心：「其實平時都應該注意清潔，唔使等沙士，就算感冒都應該戴口罩。」
洪永城唔怕觀眾睇厭
至於洪永城一連三套劇都有份演出，包括《多功能老婆》、《丫鬟大聯盟》及《黃金有罪》，蕭正楠忍不住說：「我戥觀眾慘，又係佢！」但洪永城不怕觀眾睇厭：「三套角色都唔同，亦唔同年代。」問到較喜歡哪個角色？他笑說：「我偏向少少鍾意呢套。」卻被蕭正楠取笑：「我記得你上次《丫鬟》時唔係咁講喎！」而蕭正楠被追問與太太黃翠如歐遊時可有努力「造人」，他說：「隨緣，今次去太多地方，又要揸車，好攰。（要中都可以一擊即中？）唔好問得太仔細啦！」
姚子羚心思思裸曬
同場的姚子羚一身簡樸造型，與她日前上載的馬爾代夫三點式照有很大對比，她笑說：「其實唔性感，係意識上性感啫！影咗好多都係私藏，我唔敢甫太多出嚟，怕大家睇膩。」並大讚胡定欣這個御用攝影師專業。對於胡定欣影半裸照留念，她說：「我都想裸曬，但現場有其他陌生人，都係要再私人啲嘅地方先諗。」