菊梓喬得把聲拍拖要蒙面
歌手菊梓喬（Hana）昨日孖師弟劉子碩出席電台活動，劉子碩笑指Hana感覺似家姐，又揚言不介意姊弟戀，問到可會力追Hana？他卻笑說想合唱，Hana則回應：「我得把聲吸引，蒙面拍拖，化妝都慳番！」
劉子碩做節目時與馮盈盈緣慳一面，故沒有慰問失戀的她，他指盈盈望落好硬淨。記者追問若馮盈盈、Hana二揀一會揀誰？劉子碩諗完笑爆嘴答：「兩個都OK！」
日前於《新城勁爆》獲頒「勁爆女歌手」獎的Hana，被問到可有信心於《勁歌金曲頒獎典禮》冧莊「最受歡迎女歌星」？她說：「唔好啦！（對手係吳若希、楊千嬅、容祖兒。）仲難！唔敢呀，我攞過，唔好抱咁大期待，太大壓力會瞓唔着甩頭髮。」然後點名劉子碩攞新人獎，不過對方卻睇好林穎彤奪得。