英皇戲院有別一般戲院，由小食、餐飲到座位都非常講究，阿嬌讚貴賓影院有無限量爆谷任食，非常暢快。問到包場最想請Fans看她們那一齣電影？阿Sa表示：「我反而想請佢哋睇我睇過嘅好電影，因為佢哋未必睇過。（邊套？）《時光倒流七十年》，呢套戲真係好浪漫，睇咗好多次都係咁鍾意。」阿嬌亦和應，並自爆喜歡重複看同一套電影。
談到包場，阿Sa大爆早年曾放好姊妹容祖兒飛機：「佢曾經包場請我哋睇戲，但我太攰，放咗佢飛機。」而阿嬌亦是「飛機王」，之前她主演的電影《失蹤》上映，阿Sa原本想包場撐她，怎料最後是「主角」阿嬌甩底，最終搞唔成。