歌手李麗珊昨日在唱片店舉行簽名會，大讚粉絲貼心，之前知她不舒服，更帶備自家涼茶送給她，又叫她睇醫生及介紹食藥，問到是否有粉絲可以做親密朋友？她笑言：「我有老公o架喇！（有冇人向你示愛？）之前有，不停Send Message向我表白，又Send畀同事話好支持我，後尾可能知我結咗婚，先緩和咗呢種情況。」提到她身為香港開電視藝人，局限不能上其他電視台，問到可想去無綫？她笑言：「上《勁歌金曲》？都想o架，睇吓公司安唔安排到，多個平台對大家都好。」
