周國賢「失蹤」處男紅館騷取消

早年走出抑鬱症陰霾、重投樂壇的周國賢（Endy），原定今年4月首踏紅館舉行演唱會，不過有傳他忽然「失蹤」，連月來唱片公司無法聯絡到他。其實去年10月Endy與馬來西亞女神林明禎拍完電影《一秒拳王》後，就再沒公開露面，據知他一聲不響跟家人離港飛往外地，行蹤成謎，有傳他疑抑鬱症復發，即使首奪「叱咤我最喜愛男歌手」獎項，亦冇現身領獎。因為失聯關係，主辦單位無奈取消4月紅館騷！

同家人外地度假

Endy唱片公司維高文化兼演唱會主辦商負責人承認：「周國賢4月紅館演唱會係取消咗。」但否認他抑鬱症復發，對其「失蹤」傳聞只說：「佢同屋企人放假飛咗去外地。依家社會環境、時間問題，公司同佢都覺得呢個時候開騷，好難喺現實同埋腦裏面嘅Concept、Vision取得平衡，所以決定喺理想啲嘅時間先開。」

新碟下周出冇宣傳

負責人又指Endy多首作品屬勵志歌，並不符合當下社會氣氛，不是最適合的表達，並指Endy希望趁有時間在外地吸收新靈感、新思維，而其新專輯下周推出，但他不在港，似乎冇打算宣傳。

Endy跟韓籍太太育有三名女兒，2013年他與女助手傳出緋聞，周太盛怒帶同女兒避走加拿大，他即暫別樂壇追至加國，期間他患上抑鬱症，休息4年才返港再戰樂壇。「失蹤」前他曾與網民展開罵戰，結果他刪除微博，其他社交網也轉做私人帳戶。