澳洲山火現陰霾 馬德鐘兒子返港避災

藝人馬德鐘的21歲兒子馬在驤現就讀澳洲大學二年級，近日趁當地放暑假返港，前晚即做孝順仔陪父母出席慈善女王趙曾學韞的金婚晚宴。士別三日的馬在驤，身高已衝破1米80，高過爸爸！由於澳洲火山災情嚴重仍未受控，在悉尼讀書的在驤亦受影響，張筱蘭稱兒子就讀的地方空氣質素變差，好像加了濾鏡一樣，馬德鐘則說：「經常都有陰霾，阿仔都成日咳，但學校就冇停課，佢仲喺嗰邊照有游水，但都建議佢趁暑假返香港抖吓。（佢有冇自薦做義務消防救火？）佢冇提，熱心係好，我覺得幫手首先要顧咗自身安全，好似我拍《跳躍生命線》救人戲都係要以自己安全為先。」兒子返港已一周，他笑言肯回港探父母已感開心。