香港娛圈進入「冰河期」，連除夕倒數活動亦全數「冚旗」，歌手J.Arie（雷深如）慶幸之前接到很多小型演出，雖然酬勞不多，但總好過冇工開：「本來下星期內地有個登台騷，但批文押後咗，平時內地一個月都有一、兩單。（武漢爆疫情，會唔會擔心？）未遇過咁嘅情況，我諗公司會幫手評估，不過有時為咗搵食都冇計，惟有自己做好防禦措施。」
至於譚嘉儀透露剛從美國登台返港，問到接Job會否避免前往「高危區」？她相信公司會留意健康及衞生情況，在安全情況下才幫她接工作：「所以覺得咩地方都好，睇公司安排。自己會做好預防措施，食啲Supplement等自己冇咁易病。」