太太誕逾6磅「小乖乖」林子善喊到豬頭

藝人林子善昨日凌晨在社交網站宣布太太董佩欣順利誕下女兒，稱讚太太「超級無敵勁」，又大爆自己「變成豬頭哭成淚人」。昨日子善於下午二時多現身東區醫院探妻女，他透露太太花了廿五分鐘便極速完成分娩：「佢好怕痛，原本想開刀，但醫生建議佢試吓順產，最後佢係冇麻醉、冇用無痛分娩，只係用咗笑氣。（你開心到喊？）冇喺太太面前喊，護士叫我去隔籬床時，我喊到流晒鼻涕，口罩都濕，母愛真係好偉大！」他稱原本想剪臍帶，但助產士太快手，已幫他剪了。