張若錡新劇「裸」挑戰
模特兒張若錡（Angus）今年推出寫真集《錡遇》，昨日在旺角舉行簽名會，吸引大批龍友和粉絲支持。身穿短褲騷腿的她，帶同以其上圍為賣點的Mouse Pad到場，由於只有300件限量版，引得粉絲爭相購買。
她表示推出寫真後，在社交平台不時收到滋擾訊息，更收過男性下體的自拍照：「收到嗰吓好震驚，不過我選擇已讀不回，因為知道覆佢咩都死！」問到早於6月推出寫真，為何至昨日才舉行簽名會？Angus解釋因一直忙拍劇：「呢半年拍咗好多唔同劇集，好似啱啱出街嘅ViuTV劇集《黑市》，喺入面飾演一個好大膽嘅角色。早幾日就完成咗另一套劇，個角色好有發揮同挑戰性，裸露程度更高，希望觀眾會見到唔同嘅我啦！」