林穎彤鍾意制服誘惑

歌手林穎彤（Bella）與信貸公司續了新代言合約，日前換上多個造型拍攝新一輯硬照及電視廣告，當中她最愛制服女郎的造型，並笑說：「因為細細個就成日幻想將來嘅工作，可以着制服返工，所以特別鍾情呢個造型，一着制服就有一份使命感，導演要求我着制服時所講嘅對白要用專業嘅態度去表達，不過最難度高係要喺有限嘅時間講好多對白同忠告字眼，好似急口令咁，咬字又要清晰，好考起我，係一個好好嘅經驗。」雖然拍攝當日她帶病上陣，並踩足13小時開工，幸未有影響拍攝效果。