郭可盈揀靚女：美麗與智慧並重

新上任亞視副總裁林文龍，偕擔任評審的太太郭可盈與女兒出席亞姐總決賽，可盈表示：「我10年冇喺幕前見觀眾，當然要支持老公！記得選港姐時亦有演藝潛質大獎。依家選美其實唔簡單，啲女仔樣樣都要識，要多方面挑戰，要克服多方面要求！」問她可有被邀拍劇？文龍搶答：「其實我講咗，唔係我哋話事，係個女話事。」可盈補充：「佢（囡囡）10歲，好乖，我哋感情好深厚，想多啲時間陪佢。（有冇戲癮？）唔係冇嘅，要睇角色同劇本。」