迪士尼前日宣布《星球大戰：天行者崛起》（Star Wars: The Rise of Skywalker、簡稱《星戰9》）北美聖誕日票房高達2.5億港元，成為自2015年的《星球大戰：原力覺醒》（Star Wars: The Force Awakens）後聖誕日最高票房電影！而同時《星戰9》全球累積票房已衝破39億港元。
相反同期上映由大型音樂劇改編的電影《CATS》票房卻死直，上映5日北美累積票房僅8,658萬港元，排北美票房第8位，更被影評人鬧爆，就連美國女星伊芬麗歌活特（Evan Rachel Wood）亦於社交網留言炮轟該片是史上最差：「《CATS》比我想像中更差，我已經有準備知道套戲會好爛，但……我真係無話可說。點解要改咗過（音樂劇原版）舞蹈編排？並唔係演員嘅錯，呢套或會係我睇過以來最差嘅電影。」之後她在Instagram自拍睇完時的反應，表現得難以置信並不停爆粗：「搞乜X？」