陳庭欣疑捲三角關係自認傻傻哋！

陳庭欣去年公開與身家逾億的商人楊振源拍拖，一直恩愛，剛過去的聖誕節，Toby更網上放閃慶祝聖誕及男友生日，並指過聖誕多了一份意義。昨日有讀者爆料指兩人被貼街招，鬧爆Benny跟一名女子關係曖昧，街招上除了有Benny的照片，還有Toby跟該女子的合照，又指Toby是傻港姐，似有所暗示。

認識女方 但唔熟

Toby昨日接受電話訪問，表示認識相中女子叫阿Yu，是她跟Benny的共同朋友，又說尚未聯絡到Benny及阿Yu：「一個飛咗，一個暫時未有回應，我都唔知發生咩事。（同阿Yu熟？）叫做識，識咗兩年左右，唔算太熟。」

至下午5時，Toby現身旺角與Benny開設的健身中心樓下，身穿便服的她戴上口罩，表示咳了一星期，問到可有再與男友聯絡？Toby說：「佢啱啱落機，我Send咗個新聞畀佢睇，但未詳細傾，首先要處理好件事，要睇番閉路電視係咩人做。（街招話你係傻港姐畀人呃！）我不嬲都傻傻哋，但呢個係題外話啦！」

陳庭欣與男友楊振源被貼街招，大爆感情轇轕。

陳庭欣、楊振源

避談信唔信任男友

問到街招攻擊得Benny好犀利，她信不信任男友？她說：「唔係信唔信任嘅問題，我哋一直相處舒服開心，可能係Benny或者阿Yu同人有誤會，會再了解吓件事。」

此外，Toby好友王子涵對於Benny被貼街招，她說：「日前我都有出席Benny生日會，Toby冇乜嘢喎！我有事留咗一陣咋！（見過阿Yu未？）有見過吓，不過唔熟，應該唔係啩？」另外，當年有傳被陳庭欣搶去Benny，其舊愛劉依靜回應時坦言識得阿Yu：「我唔會評論任何嘢，冇嘢可以回應。」